Hlaupið eða gengið er um miðborg Reykjavíkur á milli helstu kennileita borgarinnar.
*Með fyrirvara um breytingar*
Hlaupaleiðin
Hlaupið hefst við Listasafn Reykjavíkur Hafnarhúsinu og hlaupið út Tryggvagötu, yfir á Hverfisgötu. Þaðan liggur leiðin niður Ingólfsstræti, beygt inn Sölvhólsgötu, upp Klapparstíg að Laugavegi. Næst er beygt upp Skólavörðustíg að Hallgrímskirkju þar sem DJ Dóra Júlía tekur á móti þátttakendum með tónlist og stuði. Þátttakendur fara inní kirkjuna og njóta ljósadýraðar inní kirkjunni. Inni í Hallgrímskirkju er eini hluti leiðarinnar þar sem ekki má hlaupa heldur einungis ganga. Þaðan er hlaupið niður Njarðargötu að Laufásvegi þar sem leiðin skiptist og hægt er að hlaupa styttri vegalengd fyrir þau sem treysta sér ekki að fara tæpa 5 km. Almenn hlaupaleið liggur svo að Gömlu Hringbraut, yfir göngubrúnna yfir í Hljómskálagarð. Hlaupið er svo um Tjörnina Bjarkargötu, Skothúsveg, Fríkirkjuveg og þaðan inní Ráðhús Reykjavíkur. Þegar þátttakendur hafa hlaupið í gegnum Ráðhúsið hlaupa þau í átt að Austurvelli, Templarasund framhjá Dómkirkjunni og Pósthússtræti að endamarki hjá Hafnarhúsinu þar sem boðið er uppá svalandi drykki í boði Ölgerðarinnar.
Hlaupaleiðin er tæpir 4-5 km löng. Hægt er að stytta sér leið um 1 km með því að beygja inn Laufásveg til hægri frá Njarðargötu í stað þess að fara til vinstri inn Laufásveg (sjá punktalínur á korti). Þessi stytting verður merkt sérstaklega á leiðinni og gæti hentað þeim sem eru með yngri börn eða bara þreyttir.
Hér má sjá kort af hlaupaleiðinni 2024:
