Undirbúningur fyrir hlaup

Afhending gagna mun fara fram í verslun 66°Norður - Kringlunni, 2.hæð.

Hægt verður að ná í gögnin á eftirfarandi tímum:

• Föstudaginn 7. febrúar: 16:00 - 18:30
• Laugardaginn 8. febrúar (hlaupadagur): 12:00 - 16:30

„Mínar síður" er svæði hlauparans þar sem hægt er að skoða og breyta persónuupplýsingum, breyta um vegalengd og kaupa ýmsan varning

Við afhendingu hlaupagagna eru þátttakendur beðnir að hafa miðann sinn tilbúinn og sýna QR/bar kóða tilbúinn til að flýta fyrir afhendingu. QR kóðinn er sendur í tölvupósti þegar fólk skráir sig í hlaupið og til hlaupara fyrir afhendingu gagna. Einnig er hægt að finna miðann með kóðanum og kvittun til útprentunar á „Mínum síðum".

Hér má nálgast mikilvægar upplýsingar um það sem gott er að vita fyrir hlaupið. Allir þátttakendur taka þátt á eigin ábyrgð og er mikilvægt að fylgja settum leiðbeiningum til að tryggja öryggi og ánægju allra.

Hlaupaleiðin í Norðurljósahlaupinu er afar litrík og skemmtileg, þar sem hlaupið eða gengið er um miðborg Reykjavíkur á milli helstu kennileita borgarinnar. Hér má finna kort af hlaupaleiðinni.

Laugardaginn 8. febrúar verða lokanir og truflanir á umferð vegna hlaupsins. Nánari upplýsingar um lokaðar götur og tímasetningar má nálgast hér.